السبت، 2 ديسمبر 2017

خدمة متجر من بريد عُمان

السلام عليكم ورحمة الله وبركاته



أطلق بريد عُمان خدمة جديدة مميزة اسمها ( #متجر ) 



خدمة متجر توفر لك بريد دولي للتسوق من دول العالم الي ما تشحن لسلطنة عمان مباشرة 
مثال: حاب تشتري ايفون من أمريكا وهذا الايفون لا يشحن الا لعنوان أمريكي بهالطريقة انت محتاج لعنوان أمريكي عشان تقدر تشترى الايفون، هنا يأتي دور متجر حيث يوفر لك متجر عنوان أمريكي خاص فيك في أمريكا عند شراءك لاي غرض يطلب عنوان امريكي تحط العنوان الموفر لك من خدمة متجر.

طبعا هالخدمة توفرها مواقع وشركات عديدة مثلا خدمة shop and ship  من أرامكس 

المميز في خدمة متجر:

  1. لا يوجد رسوم للاشتراك الخدمة مجانية.
  2. السعر راح يكون 7 ريال لكل كيلو لكل شحنة.

3.خدمة تجميع الشحنات: هالخدمة مفيدة جدا وهي غير موجودة في أرامكس مثلا أنت شريت قلم قيمته ريال وشحنته عن طريق ارامكس راح تدفع قيمة الشحن للقلم 5 ريال،لكن مع خدمة متجر راح توصل شحناتك لعنوانك في امريكا وانت تجمع كل الشحنات في شحنه وحده وترسلها في نفس الوقت لعُمان وبكذا راح تدفع مبلغ اقل وتستلم كل اغراضك في وقت واحد.

4. شحناتك يتم توصيلها لبيتك او المكان الي حاب تستلمها فيه.


إلى الان متجر يقدم عنوان واحد وهو لامريكا

رابط التسجيل في الخدمة باللغة العربية:
https://www.matjar.om/ar/signup


ادخل البيانات لعنوانك في السلطنة عشان لما توصل شحناتك ترسل مباشرة لمكانك.





بعد ما تكمل التسجيل راح يوصلك بريد من موقع متجر بعنوان الشحن الخاص فيك في أمريكا كما في الصورة ادناه


هذا العنوان تقدر تستخدمه في كل موقع يطلب عنوان أمريكي للشحن.


ليست هناك تعليقات:

إرسال تعليق